Ҳар қандай: давлат ва хусусий, йирик ва кичик корхона фаолиятининг ажралмас қисми бўлган кадрлар ишини тўғри юритмай туриб ходимларни бошқариб бўлмайди. Шу сабабли «кадрлар» билан ишлайдиган ҳар бир ходим меҳнат қонунчилиги асосларини, кадрларга оид ҳужжатлар билан ишлашнинг умумий қоидалари ва талабларини билиши зарур.
Масофавий курс давомида сиз:
- меҳнат қонунчилигининг (Меҳнат кодекси ва кадрлар ишига оид бошқа норматив ҳужжатларнинг) асосий нормалари ва уларни қўллаш тартиби билан танишасиз;
- кадрлар ишини юритиш асосларини ўрганасиз: кадрларга оид ҳужжатларни тайёрлаш ва расмийлаштиришни, кадрлар ҳисобини юритишни, локал ҳужжатларни тузишни, Ягона миллий меҳнат тизимида ишлашни (меҳнат муносабатларини электрон рўйхатдан ўтказишни, электрон меҳнат дафтарчасини шакллантиришни) ўрганасиз;
- меҳнат қонунчилигида тўғридан-тўғри тартибга солинмаган «муаммоли» масалалар ва алоҳида вазиятларни ҳал қилиш бўйича амалий билим оласиз.
Курс қуйидагилар учун фойдали бўлади:
- ишлаб келаётган ва янги иш бошлаган кадрлар хизматлари ходимлари;
- кадрлар ишини юритувчи бухгалтерлар;
- раҳбарлар ва бизнес эгалари.
Курс давомийлиги: 20 астрономик соат + имтихон
Уқиш кунлари ва вақти: Душанбадан Жумагача 16:00-18:00