Ушбу вебинар «Юридик ва жисмоний шахсларни солиққа тортиш» курсининг бир қисмидир.
Унда ҚҚСни ҳисоблаш қоидалари ва солиқ ҳисоботини тўлдириш тартиби кўриб чиқилади. Қайси ҳолатларда солиқ базаси бозор қийматидан аниқланиши ва бу қийматни аниқлаш тартиби ҳақида маълумотлар берилади.
Вебинарда кўриладиган саволлар:
- солиқ тўловчилари, солиқ объекти ва экспорт-импорт операциялари учун реализация жойини аниқлаш;
- реализация санаси, солиқ базасини, хусусан бозор баҳоси асосида солиққа тортиладиган базани аниқлаш;
- имтиёзлар, ноль ставкаси ва солиқ базасига тузатишлар киритиш;
- “Кирувчи” ҚҚСни ҳисобга олиш тартиби;
- шартли мисол асосида ҳисоботни тўлдириш тартиби.